Հանրապետականի սիրտը մեծ ա. Սեյրան Սարոյան

ՀՀԿ խմբակցության պատգամավոր, գեներալ Սեյրան Սարոյանն այսօր խորհրդարանում լրագրողների հետ զրուցում նշեց, որ կոալիցիան լավ բան է:

«Դե որ ասում ենք կոալիցիա, էտի լավ բան ա արդեն: Միացում ա, ուժեղանալ ա»,- բացատրեց Սարոյանը:

Հարցին` Դաշնակցությունը կուժեղացնի՞ ՀՀԿ-ին, Հանրապետականը թուլացե՞լ է, նա պատասխանեց. «Տո խի՞ ա թուլացած, ինչքան նորմալ ըլնենք, հավաքված ըլնենք, էնքան ուժեղ կլինենք, անպայման պտի քանդվե՞նք»,- ասաց նա:

Հարցին, թե` մյուս քաղաքական ուժերի հետ և՞ս պատկերացնում եք համագործակցությունը, Սարոյանը պատասխանեց. «Իհարկե` այո, շատ հնարավոր ա, Հանրապետականը բոլորին էլ կարա ընդունի, Հանրապետականի սիրտը մեծ ա»: