«Բանանց»-ը ոչ-ոքի է խաղացել «Տորպեդո»-ի հետ. ՏԵՍԱՆՅՈւԹ

Սոչիում ընթացող ուսումնամարզական հավաքի ընթացքում Երևանի «Բանանց»-ը երկրորդ ստուգողական հանդիպումն է անցկացրել: Այս մասին հայտնում է երևանյան ակումբի պաշտոնական կայքը:

Արմավիրի «Տորպեդո»-ի հետ խաղում թիմերը մեկական գնդակ են փոխանակել: Առաջինը հաշիվը բացել են  ռուսական թիմի ֆուտբոլիստները, սակայն րոպեներ անց «Բանանց»-ը հավասարեցրել է  հաշիվը:   Զավեն Բադոյանը եզրում ստանալով գնդակը այն ուղարկել է դաշտի կենտրոն, որտեղ «Տորպեդո»-ի ֆուտբոլիստը գնդակն ուղարկել է սեփական դարպասը:

Բանանցի մեկնարկային կազմն այսպիսին էր. 

Ստեփան Ղազարյան - Ասլան Կալմանով, Վլատկո Դրոբարով, Յասմին Մեցինովիչ, Սոսլան Կալմանով - Հակոբ Հակոբյան, Կլաուդիո Տոռեխոն, Միգել Լոպես, Պետրոս Ավետիսյան, Զավեն Բադոյան - Լայերսիո

Փոխարինման են մտել Ալբերտ Օհանյանը, Վալտեր Պողոսյանը, Վահագն Այվազյանը, Նաիրի Մինասյանը, Վլադիմիր Բաբայանը, Էդգար Մովիսյանը, Նարեկ Պետրոսյանը, Գևորգ Խուլոյանը և փորձարկվող մեկ ֆուտբոլիստ: