Deutsche Welle-ն անդրադարձել է ԵԽԽՎ նոր նախագահի և Ադրբեջանի կոռուպցիոն կապերին

Deutsche Welle-ի ռուսական ծառայությունը մեծ հոդված է հրապարակել ԵԽԽՎ նոր նախագահի քաղաքական կարիերայի, հայացքների, ԶԼՄ-ների հետ հարաբերությունների մասին:

Պարբերականը նշում է, որ նա ԵԽԽՎ-ում Իսպանիան ներկայացնում է 2000 թվականից: Ըստ կայքի՝ ի տարբերություն ԵԽԽՎ նախկին նախագահ Ան Բրասերի, Ագրամունտին դժվար է անվանել «մամուլի սիրելի պաշտոնյա». նա այնքան էլ չի սիրում զրուցել լրագրողների հետ և հաճախ պարզապես հրաժարվում է մեկնաբանել ամենասուր թեմաները։

Ուշագրավ է, որ նյութում խոսվում է Ագրամունտի՝ Ադրբեջանի հետ ունեցած յուրահատուկ կապերի մասին: «Մի քանի տարի առաջ «Կայունության եվրոպական նախաձեռնություն»-ը Ագրամունտին մեղադրել է կոռուպցիոն գործողությունների մեջ և նրա անունն է ներառել ԵԽԽՎ այն պատգամավորների ցուցակում, որոնք սիրով օգտվում են  «խավիարային դիվանագիտության» շնորհներից: «Կայունության եվրոպական նախաձեռնության» փորձագետները պնդում էին, որ, կատարելով Ադրբեջանի հարցերով ԵԽԽՎ հատուկ զեկուցողի պարտականությունները, Ագրամունտն իբր արդարացնում էր Իլհամ Ալիևի վարչակարգի գործողությունները՝ «չնկատելով» երկրում քաղաքական հետապնդումները և մարդու իրավունքների խախտումները»,- գրում է կայքը: