ԼՂ հակամարտության կարգավորման շուրջ քննարկումներին պետք է մասնակցեն նաև Արցախի ներկայացուցիչները. Դավիթ Բաբայան

Արդեն հայտնել ենք, որ Վաշինգտոնում քննարկումներ են անցկացվել ԼՂ հակամարտության կարգավորման վերաբերյալ: Այդ մասին իր թվիթերյան էջում հայտնել է ԵԱՀԿ ՄԽ ամերիկացի  համանախագահ Ջեյմս Ուորլիքը:

ԼՂՀ նախագահի մամուլի խոսնակ Դավիթ Բաբայանը Yerkir.am-ի հետ զրույցում նշեց, որ ցանկացած քննարկում, որն ուղղված է հակամարտության համապարփակ և խաղաղ կարգավորմանը, ողջունելի է: «Նման  միջոցառումներն ընդունելի են: Կարևոր չէ` դրանք Վաշինգտոնում են տեղի ունենում, թե մեկ այլ վայրում: Կարծում եմ`այդ քննարկումներին պետք է մասնակցեն նաև Արցախի ներկայացուցիչները, որպեսզի ամբողջական, համապարփակ լինեն»,- ասաց նա և հավելեց, որ Ուորլիքի նշած հանդիպումը, ամենայն հավանականությամբ,  գիտաքաղաքական բնույթի է եղել: