2015-ին Հայաստանում երեխաների թրաֆիքինգի երկու դեպք է գրանցվել

2015-ին Հայաստանում գրանցվել է երեխաների թրաֆիքինգի երկու դեպք. այսօր լրագրողներին հայտնեց Հայաստանի ոստիկանության քրեական հետախուզման գլխավոր վարչության 3-րդ բաժնի պետ, գնդապետ Նելլի Դուրյանը՝ նշելով, որ 2014-ին նման դեպքեր չէին հայտնաբերվել:

Համաձայն ոստիկանության վիճակագրության՝ անչափահասների նկատմամբ 2015 թվականին կատարվել է 209 բռնություն, որոնցից 16-ը ընտանեկան բռնության դեպքեր են: 2014 թվականին եղել է 184-ը, որոնցից ընտանեկան բռնության դեպքեր` 10:

Նելլի Դուրյանը հայտնեց, որ առանց խնամքի մնացած երեխաների համար հատուկ խումբ է ստեղծվել, որում ներգրավված են իրավասու կառույցների, տեղի ինքնակառավարման մարմինների, հանրային սեկտորի ներկայացուցիչներ: