8-րդ հարկից ընկած աղջկան վիրահատել են

Տեղեկացրել էինք, որ երեկ՝ հունվարի 3-ին, արտակարգ դեպք է տեղի ունեցել Երևանում: Shamshyan.com-ը գրել էր, որ ժամը 23:00-ի սահմաններում ոստիկանության Արաբկիրի բաժին ահազանգ է ստացվել, որ Վ. Համբարձումյան փողոցի թիվ 47 շենքի բակում երիտասարդ աղջիկ է ընկած:

Փրկարարներն ու ոստիկանները նշված շենքի, որը 9 հարկանի է, բակում հայտնաբերել են նույն շենքի 8-րդ հարկի բնակչուհի, 24-ամյա Անի Հայրապետյանին, ում շտապ օգնության ավտոմեքենան ծայրահեղ ծանր վիճակում տեղափոխել է Հերացու անվան հիվանդանոց:

Հիվանդանոցի անեսթեզիոլոգ-ռեանիմատոլոգ Արթուր Առաքելյանը yerkir.am-ի հետ զրույցում նշեց, որ աղջկան երեկ վիրահատել են:

«Վիրահատությունը հաջող է անցել: Նրա վիճակը գնահատվում է ծանր կայուն: Այս պահին կարող ենք ասել, որ նրա կյանքին վտանգ չի սպառնում»,-ասաց Առաքելյանը: