Բացթողումները վեր ենք հանում, որպեսզի չկրկնենք. Արփինե Հովհաննիսյանը՝ Սողոմոն Քոչարյանի օրինակի մասին

Պաշտոնի նշանակվելուց հետո նախարար Արփինե Հովհաննիսյանն ամենօրյա ռեժիմով հետաքրքրվել է Սողոմոն Քոչարյանի առողջությամբ, հետևողական է եղել, որպեսզի ամեն ինչ կատարվի այնպես, ինչպես պետք է:

Այսօր ՀՀ արդարադատության նախարարը, պատասխանելով լրագրողների հարցին, թե ո՞վ էր, ի վերջո, պատասխանատու Սողոմոն Քոչարյանի՝ ծանր հիվանդության պայմաններում պատիժ կրելու համար, ասաց, որ Սողոմոն Քոչարյանի առողջության համար պատասխանատուն քրեակատարողական հիմնարկի բժշկական անձնակազմն էր: «Չեմ կարծում, որ ինչ-որ մեկը չի հետևել նրա առողջությանը: Փաստն արդեն ունենք, դրա համար չէի ցանկանա հետադարձ հայացք ուղղել, բայց ցանկացած դեպքի հետ կապված բացթողումները մենք վեր ենք հանում, որպեսզի էլ նման բացթողումներ չանենք»,- ասաց նա ՝ միաժամանակ նշելով, որ արդարադատության նախարարության հաջորդ տարվա գերակա ուղղություններից մեկը հենց բանտային առողջապահական ծրագրերի իրականացումն է: