Կարինե Մինասյանը կղեկավարի ԵՏՀ Կոլեգիայի գործունեության նոր ուղղությունը

Եվրասիական բարձրագույն տնտեսական խորհուրդը որոշում է կայացրել Եվրասիական տնտեսական հանձնաժողովի (ԵՏՀ) Կոլեգիայի գործունեության շրջանակներում նոր ուղղության ներդրման մասին. ուղղության շրջանակներում ներառվել են ներքին շուկաները, ինֆորմատիզացիան, տեղեկատվական և կապի տեխնոլոգիաները:

 ԵՏՀ լրատվական ծառայությունից հայտնել են, որ որոշումն ուժ ի մեջ կմտնի 2016թ-ի փետրվարի 1-ին:

 Ուղղությունը կղեկավարի Կոլեգիայի համապատասխան անդամը՝ նախարարը. նոր պաշտոնին է նշանակվել Կարինե Մինասյանը, ով 2015թ-ի հունվարից՝  ԵԱՏՄ-ին ՀՀ անդամակցության պահից, զբաղեցնում էր Հայաստանի կողմից ԵՏՀ Կոլեգիայի անդամի պաշտոնը:

 Նոր ուղղության ղեկավարը պատասխանատու կլինի ինֆորմատիզացիայի, տեղեկատվական-կապի տեխնոլոգիաների և տեղեկատվական փոխգործակցության, ինչպես նաև ներքին շուկաների՝ առանց խոչընդոտների ու սահմանափակումների գործունեության համար:

Այսպիսով, ԵԱՏՄ անդամ երկրների նախագահները ընդունել են ԵԱՏՄ երկրների ընդհանուր թվային օրակարգի ձևավորման, թվային տեխնոլոգիաների զարգացման և Միության լիարժեք ընդհանուր շուկաների կառուցման կարևորությունը: