Դահուկասահքի Հայաստանի կանանց հավաքականն ավարտել է ելույթները Եվրոպայի տարածաշրջանային գավաթում

Դահուկասահքի Հայաստանի կանանց հավաքականն ավարտեց ելույթներն Ավստրիայում կայացած` Կենտրոնական Եվրոպայի երկրների տարածաշրջանային գավաթում:

Մրցումային առաջին օրը Հայաստանի 3 ներկայացուցիչներից` 1,2 կմ ազատ ոճի արագավազքում Լիլիթ Տոնոյանը 43-րդն էր, իսկ Կատյա Գալստյանը՝ 44-րդը`  ընդհանուր 44 մասնակիցներից: Մինչև 20 տարեկանների պայքարում Աննա Մխիթարյանը զբաղեցրել է 70-րդ հորիզոնականը՝ 80 մասնակցից: 

Ազատ ոճի 5 կմ տարածությունն Աննա Մխիթարյանը հաղթահարել է վերջինը՝ 46-րդը: 10 կմ չմշկային ոճում Լիլիթ Տոնոյանը 42-րդն է, իսկ Կատյա Գալստյանը՝ 39-րդը` ընդհանուր 44 մասնակցից: ՀԱՕԿ-ի լրատվության բաժինն այս մասին տեղեկացել է  Հայաստանի դահուկավազքի ֆեդերացիայից:  

Դասական վազքում Աննա Մխիթարյանը վերջինն էր մինչև 20 տարեկանների շարքում, իսկ մեծահասակների պայքարում Կատյա Գալստյանը 35-րդն էր, Լիլիթ Տոնոյանը՝ 38-րդը: