Ավակովը պատասխան կտա. Ուկրաինայում կռվող վրացիներ

Արդեն հայտնել ենք, որ Ուկրաինայի ներքին գործերի նախարար Արսեն Ավակովը վիճել է  Օդեսայի նահանգապետ Միխեիլ Սահակաշվիլիի հետ, ինչից հետո բաժակով ջուր է շփել Վրաստանի նախկին նախագահի դեմքին:

Обозреватель-ը հայտնում է, որ  Վրաստանից մի խումբ կամավորներ, որոնք կռվում են Ուկրաինայի կողմից Դոնբասում, միջադեպից հետո տեսաուղերձ են հղել Արսեն Ավակովին։ 

Նրանք հայտարարել են, որ Ավակովը, ով Սահակաշվիլիին «հյուրախաղերի եկած» է անվանել, վիրավորել է ամբողջ Վրաստանին:

«Դուք դրա համար պատասխան կտաք: Եվ Դուք իրավունք չունեք ասելու մեր մասին, որ մենք հյուրախաղերի ենք եկել: Դուք այդ բառի համար պատասխան կտաք, իմացեք: Իսկ եթե չապացուցեք, ապա ինքներդ այստեղ կդառնաք հյուրախաղերի եկած: Դա ասում ենք մենք` վրացի պարտիզաններս, ովքեր իրենց արյունով և զենքով մարտնչում են Ուկրաինայում»,- ասել են վրացի կամավորները։