«Ոչ» են քվեարկել անվստահության պատճառով. ԲՀԿ-ական

Այսօր` ԱԺ հայտարարությունների ժամին, ԲՀԿ խմբակցության պատգամավոր Միքայել Մելքումյանը խոսեց «Այո և ոչ» հեռուստանախագծի մասին` ասելով, որ իր գործընկերների հետ եղել է 50-ից ավելի համայնքներում: Նա «ֆենոմենալ նորություն» որակեց քաղաքական բանավեճի այդ ֆորմատը, որովհետև ապացուցվեց, որ քաղաքակիրթ բանավեճը հնարավոր է:

Պատգամավորը խոսեց գյուղացիներին հուզող խնդիրների` չմթերվող մթերքի ու վարկերի մասին:

Անդրադառնալով սահմանադրական փոփոխությունների հանրաքվեին, Միքայել Մելքումյանն ասաց. «Հարյուրհազարավոր մարդիկ «ոչ» են ասել ոչ թե սահմանադրական փոփոխությունների նախագծին, այլ` անվստահություն ունենալով են «ոչ» ասել: Այդ անվստահությունը պետք է հանել, ուստի բոլոր չինովնիկներն ամեն օր պետք է կարողանան խոսել ժողովրդի հետ»: