Դավութօղլուն Բաքվից դիմել է Պուտինին

Թուրքիան միշտ նշանակություն է տվել Ռուսաստանի հետ հարաբերություններին: Այդ մասին ուրբաթ Բաքվի ADA համալսարանում ելույթի ժամանակ հայտարարել է երկրում այցով գտնվող Թուրքիայի վարչապետ Ահմեդ Դավութօղլուն. հայտնում է Тrend-ը:

Նրա խոսքերով` Թուրքիայի և Ռուսաստանի միջև չկա և չի լինի որևէ խնդիր: Դավութօղլուն կոչ է արել ՌԴ նախագահ Վլադիմիր Պուտինին` ներկայիս ճգնաժամը լուծել դիվանագիտական ճանապարհով` նշելով, որ թող ոչ ոք Թուրքիայից փոփոխություններ չսպասի ռուսական օդանավի հետ կապված միջադեպի հարցում:

Դավութօղլուն նաև նշել է, որ ՌԴ-ի մեղադրանքներն այն մասին, որ Թուրքիան թիկունքից հարված է հասցրել, անհիմն են: «Թուրքիան նույնպես կարող է պնդել, որ ՌԴ-ն, խախտելով Թուրքիայի սահմանը, հարված է հասցրել Անկարայի սրտին»,- ասել է Թուրքիայի վարչապետը: