Ռուս պատգամավորն առաջարկում է բոյկոտել շաուրման

ՌԴ Պետդումայի պատգամավոր  Լիբերալ դեմոկրատական կուսակցության ներկայացուցիչ Սերգեյ Ֆուրգալը ռուսաստանցիներին առաջարկել է հրաժարվել թուրքական խոհանոցից` բոյկոտելով թուրքական սրճարաններին ու ռեստորանները: «Դա ճիշտ կլիներ, այսպես չի կարելի թողնել. Թուրքիան մեր հանդեպ ագրեսիա է դրսեւորել, եւ մենք պետք է պատասխանենք: Հաշվի առնելով, որ Թուրքիան աջակցում է ահաբեկիչներին` նրան օգնելով` փաստորեն մենք նույնպես մասնակցում ենք դրան»:

Ֆուրգալը նաեւ կասկած է հայտնել թուրքական մթերքների, մասնակորապես` շաուրմայի որակի առնչությամբ: «Այն խիստ վնասակար է օրգանիզիմի համար. Մենք չգիտենք` ինչից է այն պատրաստվում: Թուրքիան հայտնի է նաեւ այլ բանով. այնտեղ սիրում են կեղծել խմիչքները եւ թունավորել մեր քաղաքացիներին»,- ասել է պատգամավորը հեռուստաեթերում:

 Նա նաեւ հիշատակել է 2011 թվականին ռուս 21 զբոսաշրջիկների մահը` մեթանոլից թունավորման հետեւանքով` նշելով, որ այն ժամանակ ռուսական կողմն ըստ պատշաճի չի արձագանքել: