Վիճակը ծանր է, բայց ես չէի անվանի՝ ծնկաչոք. փոխվարչապետ

ԱԺ-ում շարունակվում է 2016թ. բյուջեի նախագծի քննարկումը: Ելույթ ունեցավ փոխվարչապետ Վաչե Գաբրիելյանը: Նա նշեց, որ բյուջեի մասին պատգամավորների հնչեցրած գնահատականները որքան էլ պատկերավոր լինեն, չեն արտահայտում իրականությունը:

«Վիճակը ծանր է, բայց ես չէի անվանի՝ «ծնկաչոք», ես չէի անվանի` «կուչ եկած բյուջե»: Կառավարությունն անում է հնարավորը` տնտեսությունը զարգացնելու համար»,- ասաց նա՝ հավելելով, որ տարածաշրջանային զարգացումներն իրենց բացասական ազդեցությունն են ունենում Հայաստանի վրա:

Ըստ Վաչե Գաբրիելյանի` կառավարությունը ձեռնարկել է քայլեր` տնտեսությունը աշխուժացնելու համար` հարկային արտոնությունների և պետական ծախսերի միջոցով: