450 կազմակերպություն օգտվում է սահմանամերձ համայնքներին տրված արտոնություններից

ԱԺ արտահերթ նիստում քննարկվում է կառավարության ներկայացրած՝ «Սահմանամերձ գյուղական համայնքներում իրականացվող գործունեությունը հարկերից ազատելու մասին» օրենքում փոփոխություններ կատարելու հարցը: Հիմնական զեկուցող՝ էկոնոմիկայի փոխնախարար Էմիլ Տարասյանը նշեց, որ հարկային արտոնությունը տարածվում է Բերդ և Ճամբարակ համայնքների վրա: Սահմանամերձ համայնքներում արտադրական գործունեություն կազմակերպողները ազատվում են ԱԱՀ-ից:

ԲՀԿ-ական պատգամավոր Էլինար Վարդանյանը հարցրեց, թե մեկ տարվա ընթացքում որքա՞ն մարդ է օգտվել այդ արտոնություններից, իրազե՞կ են, արդյոք, քաղաքացիները այդ արտոնությունների մասին:

Փոխնախարարը պատասխանեց, որ արտոնությունից օգտվում է 450 կազմակերպություն, որոշումը տարածվում է 31 համայնքի վրա: