Անթալիայում G20 գագաթաժողովի ժամանակ աշխարհի լիդերներին մուրաբա կնվիրեն

Անթալիայում առաջիկա օրերին կայանալիք G20 գագաթաժողովի ժամանակ աշխարհի լիդերներին այդ շրջանին հատուկ մուրաբաներ կնվիրեն:

Այդ մասին AA-ի հետ զրույցում հայտնել է մուրաբաների արտադրամասի տնօրեն Նեջմի Ալփագոթը՝ նշելով, որ շուրջ 40 տեսակի մուրաբա են արտադրում:

Նա հայտնել է, որ գագաթաժողովի մասնակիցներին մուրաբա հյուրասիրելու համար իրենց են դիմել Անթալիայի նահանգապետարանն ու Անկարայի քաղաքապետարանը:

Արտադրամասի տնօրենը նշել է, որ իրենք հատուկ ձևերով փաթեթավորել են մուրաբաները, որպեսզի ղեկավարներն այն հավանելու դեպքում կարողանան դրանք հանգիստ տանել իրենց երկրներ: «Կան սմբուկի, բերգամոտի և նարնջի մուրաբաներ: Մենք կարող ենք նաև դրանք առաքել իրենց երկրներ»,- հայտնել է Ալփագոթը: