Հայկական «Ակօս»-ի ադրբեջանցի լրագրողը մահվան սպառնալիքների պատճառով լքել է երկիրը

Կ.Պոլսում հրատարակվող հայկական «Ակօս» շաբաթաթերթի հոդվածագիր՝ ադրբեջանցի լրագրող և բլոգեր Արզու Գեյբուլաևան ադրբեջանցիների կողմից մահվան սպառնալիքներ ստանալու պատճառով լքել է Ադրբեջանն ու հաստատվել Պոլսում:

Ըստ Asbarez-ի՝ Foreign Policy և Al Jazeera հեղինակավոր պարբերականների հետ համագործակցող լրագրողի դեմ քարոզչությունը սկսվել է թռուցիկների տարածումից, ինչից հետո նրա դեմ ատելությունը երկրում համատարած բնույթ է կրել: Մահվան սպառնալիքների՝ հաճախակի դառնալուց հետո ադրբեջանցի լրագրողը լքել է Ադրբեջանն ու հաստատվել Պոլսում, ուր ավելի համարձակորեն շարունակում է բարձրաձայնել իր երկրում խոսքի ազատության և մարդու իրավունքների պաշտպանության թեմաները: