Եգիպտոսում կործանված ռուսական օդանավի բեկորները գտնվել են

Արդեն հայտնել ենք, որ Եգիպտոսի Սինայի թերակղզու կենտրոնական մասում կործանվել է ռուսական  քաղաքացիական ինքնաթիռ:

РИА Новости-ն, վկայակոչելով եգիպտական ԶԼՄ-ները, հայտնում է, որ ռուսական Airbus լայների բեկորներն արդեն գտնվել են: Դեպքի վայր են ժամանում փրկարարներ և բժիշկներ:

Հիշեցնենք որ օդանավում եղել է 224 մարդ:

Նշենք, որ Reuters-ը հայտնում է, որ Եգիպտոսի վարչապետը հաստատել է  տեղեկությունը:

Ի դեպ, ինքնաթիռի մասին տեղեկությունները տարբեր ԶԼՄ-ներում խիստ հակասական են, իսկ ավիաընկերությւոնը դեռ չի խոսել իր ինքնաթիռի ճակատագրի մասին:

Ավելի վաղ Reuters- ը նաև հաղորդվել էր, թե ռուսական օդանավը կապ է հաստատել թուրք ավիադիսպետչերների հետ և ամենևին էլ չի կործանվել: