Ինչո՞ւ իշխանությունը զիջումների չգնաց՝ նույնականացման քարտերի հետ կապված

Խորհրդարանական ճեպազրույցների ընթացքում ՀՀԿ խմբակցության ղեկավար Վահրամ Բաղդասարյանը, պատասխանելով հարցին, թե ինչո՞ւ իշխանությունը որևէ զիջման չգնաց՝ նույնականացման քարտերի օրենքի նախագծի հետ կապված, նշեց. «Դա միայն առաջին տպավորությունն է: Առաջին ընթերցման ժամանակ մենք լսեցինք բոլոր տարբերակները, մենք քննարկում ենք և քաղաքական ուժերի հետ քննարկման արդյունքում կգանք ընդհանուր հայտարարի»:

Հիշեցնենք, որ խորհրդարանում «Հայաստանի Հանրապետության ընտրական օրենսգրքում» և «Նույնականացման քարտերի մասին» ՀՀ օրենքներում փոփոխություն կատարելու մասին» նախագիծն ընդունվեց: Օրենքի նախագծով փորձ է արվում կարգավորել նույնականացման քարտ ունեցողների՝ քվեարկելու կարգը: