788 մլն դրամից ավելի գումար` կենսաչափական անձնագրերի ու նույնականացման քարտերի պարտքը մարելու համար

Կառավարությունն այսօր հավանության արժանացրեց 2014 թվականի բյուջեում փոփոխություններ եւ լրացումներ կատարելու եւ ՀՀ ոստիկանությանը գումար հատկացնելու մասին որոշման նախագիծը:

Ըստ այդ որոշման` ոստիկանությանը կենսաչափական անձնագրերի ու նույնականացման քարտերի պատրաստման համար առաջացած ծախսերը փոխհատուցելու համար կհատկացվի 788 միլիոն 236.5 հազար դրամ գումար:

«Արդյունքում միջոցներ կնախատեսվեն 2014 թվականի առաջին եռամսյակում փաստացի իրականացված` կենսաչափական կողմնորոշումներ պարունակող էլեկտրոնային անձնագրերի եւ նույնականացման քարտերի դիմաց «Լեհական արժեթղթերի արտադրամաս» բաժնետիրական ընկերության հայաստանյան մասնաճյուղի նկատմամբ 788 միլիոն դրամի չափով առկա պարտավորությունների կատարման համար»,- նշեց Վլադիմիր Գասպարյանը: