Քարոզարշավին իմ դերակատարությունն եմ ունենալու. Սամվել Ալեքսանյան

Արդեն տեղեկացրել ենք, որ  սահմանադրական հանրաքվեի կենտրոնական շտաբն այսօր՝ հոկտեմբերի 24-ին, իր անդրանիկ նիստն է գումարելու, որի ընթացքում հստակեցվելու են քարոզարշավի մարտավարական հարցերը:

ՀՀԿ խմբակցության պատգամավոր Սամվել Ալեքսանյանը Yerkir.am-ի հետ զրույցում ասաց, որ ինքն էլ է անպայման մասնակցելու քարոզարշավին և իր դերակատարությունն է ունենալու: Մեր ճշտող հարցին, թե կոնկրետ ի՞նչ քայլեր է անելու քարոզարշավի ընթացքում, չպատասխանեց` պատճառաբանելով, թե պատրաստ է պատասխանել միայն մեկ հարցի, որին արդեն պատասխանել է:

Ի դեպ, պատգամավորը չմոռացավ կրկնել իր հայտնի հայտարարությունը 500 եվրոյով հարցազրույց տալու պատրաստակամության մասին: