Էդ գրողների ու պատվիրատուների համար ճոխ թաղման ծառայություն կարամ կազմակերպեմ. Սամվել Ալեքսանյան

ԱԺ ՀՀԿ խմբակցության պատգամավոր Սամվել Ալեքսանյանը հերյուրանքներ ու բացարձակ սուտ է համարում մամուլում շրջանառվող լուրերը, թե ինքը իր ձեռքում է կենտրոնացնում նաև սգո ծառայությունների բիզնեսը: Yerkir.am-ի հետ զրույցում նա ասաց. «Սուտ ա, նման բան չկա, բայց էդ գրողների ու պատվիրատուների համար, որ նման բան են հորինել ու գրել, մի անգամ ճոխ թաղման ծառայություն կարամ կազմակերպեմ»:

Սամվել Ալեքսանյանը նշեց, որ որևէ նոր բիզնես չի սկսել, չի էլ սկսելու, ու կրկնեց մշտական խոսքերը. «Ես չեմ զբաղվում բիզնեսով, կինս էլ չի զբաղվում բիզնեսով»:

Մեր հարցին` հնարավո՞ր է, որ Փակ շուկայում առևտուր անող միրգ-բանջարեղենի առևտրականները դուրս մղվեն Փակ շուկայից, Սամվել Ալեքսանյանը պատասխանեց. «Ոչ, իրանք կանգնում, առևտուր են անում, ես էլ իրանցից մի կոպեկ չեմ վերցնում»: