Աշտարակում 4 ամսական երեխայի սպանության համար կին է կալանավորվել

7 տարի առաջ Աշտարակում տեղի ունեցած, սակայն օրեր առաջ բացահայտված` 4 ամսական երեխայի սպանության գործով կալանավորվել է երեխայի հոր երկրորդ կինը՝ 38-ամյա Արմինե Խաչատրյանին: Նույն օրը նրան մեղադրանք է առաջադրվել: Այս մասին yerkir.am-ին հայտնեցին ՀՀ քննչական կոմիտեից:

Նախնական քննության տվյալներով՝ Աշտարակ քաղաքի 38-ամյա բնակչուհին տարիներ առաջ՝ 2008 թվականին, քարով հարվածել է փաստացի ամուսնական հարաբերությունների մեջ գտնվող տղամարդու երկրորդ կնոջ մանկահասակ՝ 4 ամսական երեխայի գլխին և սպանել։ Դեպքի առթիվ հոկտեմբերի 15-ին հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի հատկանիշներով։ Քրեական գործի շրջանակներում նույն օրը կատարվել է արտաշիրմում։ Քրեական գործով էական նշանակություն ունեցող հանգամանքները պարզելու նպատակով նշանակվել է դատաբժշկական փորձաքննություն, կատարվում են անհրաժեշտ քննչական և դատավարական այլ գործողություններ՝ դեպքի բոլոր հանգամանքների բազմակողմանի և օբյեկտիվ հետազոտման համար։