Դիրքեր բարձրացող «ԶԻԼ»-ի գլորվելու հետևանքով տուժած զինվորականին տեղափոխել են հոսպիտալ

Հայտնել ենք, որ երեկ Տավուշի մարզի Կոթի գյուղի մոտակայքում դիրքեր բարձրանալիս «ԶԻԼ-131» մակնիշի ջրատար ավտոմեքենան դուրս է եկել ճանապարհի երթևեկելի հատվածից և գլորվել ձորը (մոտ 30 մ): Ավտոմեքենայի վարորդը` Կոթի գյուղի բնակիչ` 50-ամյա Բաբկեն Սարուխանյանը, տեղում մահացել է, իսկ 48-ամյա Արտակ Անդրեասյանը մարմնական վնասվածքներով տեղափոխվել է Նոյեմբերյանի բժշկական կենտրոն: Yerkir.am-ին Նոյեմբերյանի բժշկական կենտրոնի տնօրեն Արթուր Գաբրիելյանը հայտնեց, որ տուժածին տեղափոխել են Վանաձորի հոսպիտալ:

ՀՀ պաշտպանության նախարարությունից էլ Yerkir.am-ին հայտնեցին, որ վթարի հետևանքով ՊՆ սպան կոտրվածքներ է ստացել, սակայն վիճակը կայուն է, նա գտնվում է բժիշկների հսկողության տակ: Դեպքի կապակցությամբ քննություն է ընթանում: