ԶԻԼ-ը գլորվել է ձորը. զինծառայող է զոհվել

Հոկտեմբերի 14-ին, ժամը 19.35-ին ահազանգ է ստացվել, որ Տավուշի մարզի Կոթի գյուղի մոտակայքում տեղի է ունեցել ՃՏՊ. անհրաժեշտ է օգնություն:

Դեպքի վայր է մեկնել Նոյեմբերյանի ՀՓՋ-ի օպերատիվ խումբը:

Պարզվել է, որ դեռևս չբացահայտված հանգամանքներում «Զիլ-131» մակնիշի ջրատար ավտոմեքենան (2.7տոննա) դուրս է եկել ճանապարհի երթևեկելի հատվածից և գլորվել ձորը (մոտ 30 մ):

Ավտոմեքենայի վարորդը՝ 1965 թ. ծնված  Բ. Ս.-ը, տեղում մահացել է, իսկ ուղևորը՝ 1967 թ. ծնված Ա. Ա.-ը, տարբեր աստիճանի մարմնական վնասվածքներով հոսպիտալացվել է Նոյեմբերյան քաղաքի ԲԿ, տեղեկացնում է ՏԿԱԻՆ-ը:

Shamshyan.com-ի  տեղեկություններով` մահացածն ու վիրավորը ծառայում էին ՀՀ ՊՆ N զորամասում և դիրքեր ջուր էին տեղափոխում զինվորներին: Վիրավորը կոչումով ՊՆ մայոր է: