Օր 3-րդ. ցմահ դատապարտյալներից որևէ մեկը հացադուլը չի դադարեցրել

Հոկտեմբերի 12-ին «Նուբարաշեն» ՔԿՀ-ում հացադուլ հայտարարած  45 ցմահ ազատազրկման դատապարտվածներից ոչ ոք դեռևս չի դադարեցրել հացադուլը: Այս մասին, yerkir.am-ի հարցին ի պատասխան, հայտնեց ՀՀ ԱՆ քրեակատարողական վարչության հանրային կապերի պատասխանատու Գոռ Ղլեչյանը՝ նշելով, որ դատապարտյալների վիճակը գնահատվում է բավարար:

Հիշեցնենք, որ երեկ դատապարտյալներին էր այցելել ՀՀ արդարադատության փոխնախարար Սուրեն Քրմոյանը:

Նշենք, որ դատապարտյալներն  անժամկետ հացադուլ են հայտարարել` իրենց քրեական գործերի վերանայման պահանջով: Նրանք նախագահ Սերժ Սարգսյանին ուղղված` 10 կետանոց դիմում են պատրաստել ու հանձնել «Նուբարաշեն» ՔԿՀ պետին: