Թուրքիան մնում է Ռուսաստանի բարեկամը. Պուտին

Թուրքիան մնում է Ռուսաստանի բարեկամը և ՌԴ առաջնահերթ գործընկերն է: Այդ մասին հայտարարել է ՌԴ նախագահ Վլադիմիր Պուտինը «Ռուսաստանը կանչում է» ներդրումային ֆորումի ժամանակ. հայտնում է Газета.ру-ն:

«Մենք երկար տարիներ շարունակ բարիդրացիական հարաբերություններ ունենք Թուրքիայի հետ: Թուրքիան մեր առևտրային եւ տնտեսական խոշորագույն գործընկերներից մեկն է»,- նշել է նա:

ՌԴ նախագահը նաև հավելել է, որ Ռուսաստանը Թուրքիայի առանցքային գործընկերներից է էներգետիկ ոլորտում:

«Մենք պետք է հասկանանք, թե ինչպես կարող ենք կառուցել մեր հարաբերությունները հակաահաբեկչական ուղում: Այստեղ Թուրքիան շատ մտահոգություններ ունի՝ կապված ահաբեկչության հետ` պայմանավորված  քրդական գործոնով: Մենք հասկանում ենք բոլոր այդ մտահոգությունները, պատրաստ ենք հաշվի առնել մեր համատեղ աշխատանքի ընթացքում: Ներկայումս ռազմական գերատեսչությունների մակարդակով շփումներ կան»,- նշել է Պուտինը: