Էկոնոմիկայի նախարարությունը ոչ մի բան էլ չի անում. Լյովա Խաչատրյան

ԲՀԿ-ական պատգամավոր Լյովա Խաչատրյանն այսօր լրագրողների հետ զրույցում անդրադարձավ գյուղատնտեսության ոլորտում առկա խնդիրներին:

«Մենք ամեն տարի կանգնում ենք նույն խնդիրների առաջ, և սա դաս չի դառնում: Երկրի ՀՆԱ-ի մեծ մասը ձևավորվում է գյուղատնտեսության միջոցով: Այն ձևավորում է նաև բյուջե: Մեղքը միայն գյուղատնտեսության նախարարության վրա գցել պետք չէ: Պետք է միանա էկոնոմիկայի նախարարությունը, բայց ոչ մի բան էլ չի անում»,- ասաց նա`հավելելով, որ խնդրի լուծմանը պետք է նպաստեն մարզպետարանները:

«Քույր քաղաք, եղբայր գուբերնիա և այլն` դրանց իմաստը բա ո՞րն է: Բա մեր դեսպաններն ո՞ւր են: Պետք է ճիշտ կազմակերպել մթերման խնդիրը: Այն գյուղերում, որտեղ գյուղապետը միայն ֆորմալ է, ինքն էլ է խնդիր հարուցում: Մենակ հո վազվզելով չի՞: Պետք է գյուղատնտեսության նախարարությանն ավելի շատ գործիքակազմ տալ»,- ասաց ԲՀԿ-ականը: