Ծանրամարտ. Իզաբելա Յայլյանը` Եվրոպայի մինչև 20 տարեկանների չեմպիոն

Լիտվայի Կլայպեդա քաղաքում շարունակվում է ծանրամարտի երիտասարդների և մինչև 23 տարեկանների Եվրոպայի առաջնությունը: Այսօր աղջիկների 58 կգ քաշային կարգում իրեն գերազանց դրսևորեց և մինչև 20 տարեկանների Եվրոպայի չեմպիոնուհի հռչակվեց Իզաբելա Յայլյանը: Հայ ծանրորդուհին երկամարտում ընդամենը մեկ կիլոգրամով գերազանցեց ուկրաինուհի Վերոնիկա Իվասյուկին: Իզաբելան պոկումում մեկ կիլոգրամ զիջել էր հիմնական մրցակցին, սակայն հրումում գլխավերևում պահելով  106 կիլոգրամը՝ երկամարտի 194 կգ-ով դարձավ Եվրոպայի չեմպիոն: Ուկրաինուհին նրան զիջեց մեկ կիլոգրամ: Երկամարտի 186 կգ արդյունքով բրոնզե մեդալի արժանացավ ռուսաստանցի Իրինա Բայմուլկինան: Տեղեկացնում է մարզաձևի Հայաստանի ֆեդերացիայի պաշտոնական կայքը: