Պատերազմն ավարտված չէ. «Նորմանդական քառյակ»-ի հանդիպման արդյունքները

Արդեն հայտնել ենք, որ երեկ Փարիզում կայացել է «Նորմանդական քառյակ»-ի հանդիպումը, որի ընթացքում քննարկվել է իրավիճակն Ուկրաինայում:

Բանակցությունների ավարտից հետո ասուլիս է տեղի ունեցել: Գերմանիայի կանցլեր Անգելա Մերկելը նշել է, որ Մինսկի պայմանավորվածությունների ոչ մի կետ լիովին չի կատարվել. ծանր սպառազինությունն այդպես էլ դուրս չի բերվել շփման գծից:

Իսկ ՌԴ նախագահ Վլադիմիր Պուտինը «Նորմանդական քառյակ»-ին խոստացել է  Դոնբասում սպասվող ընտրությունները քննարկել Դոնեցկի և Լուգանսկի ինքնահռչակ հանրապետությունների ղեկավարների հետ:

Ֆրանսիայի նախագահ Ֆրանսուա Օլանդը, սակայն, նշել է, որ Մինսկի պայմանավորվածությունների ձեռք բերումից հետո զգալի առաջընթաց կա:

Ուկրաինայի նախագահ Պյոտր Պորոշենկոն, իր հերթին, նշել է, որ Դոնբասում հաջողվել է  հասնել հրադադարի, սակայն պատերազմն ավարտված չէ, այն կավարտի, երբ կվերադարձվի ուկրաինական վերջին հողակտորը: