Պատանի հայ շախմատիստները 2 մեդալ են նվաճել Եվրոպայի առաջնությունում

Խորվաթիայի Պորեչ քաղաքում ավարտված` Եվրոպայի 8-18տ. պատանիների և աղջիկների առաջնությունում գերազանց արդյունքի են հասել Հայաստանը ներկայացնող շախմատիստներ Մանուել Պետրոսյանն ու Արամ Հակոբյանը:  Ինչպես հաղորդում է Chessfed.am-ը, մինչև 18տ. տղաների մրցաշարում հանդես եկող Պետրոսյանը 9 հնարավորից վաստակել է 6.5 միավոր և արժանացել արծաթե մեդալի, իսկ մինչև 14տ. տղաների մրցաշարում ելույթ ունեցող Արամ Հակոբյանը՝ 7 միավոր, ճանաչվել է բրոնզե մեդալակիր:

Հայաստանը ներկայացնող 4 շախմատիստներ տեղ են զբաղեցրել ուժեղագույնների տասնյակում՝

Մամիկոն Ղարիբյան (մինչև 12տ.)՝ 6-րդ տեղ
Ռոբերտ Փիլիպոսյան (մինչև 8տ.)՝ 4-րդ տեղ
Մարիամ Մկրտչյան (մինչև 12տ.)՝ 8-րդ տեղ
Հասմիկ Քոչինյան (մինչև 10տ.)՝ 5-րդ տեղ