Չարենցի տուն-թանգարանի բացման 40-րդ հոբելյանը համերգով կնշվի

Սեպտեմբերի 24-ին, ժամը 17-ին, Եղիշե Չարենցի տուն-թանգարանում կկայանա տոնական համերգ` նվիրված թանգարանի բացման 40-ամյակին: Միջոցառմանը երաժշտական կատարումներով հանդես կգան ՀՀ վաստակավոր արտիստ Մագդա Մկրտչյանը, Արտակ Ստեփանյանը և դաշնակահար Լևոն Հարությունյանը. կհնչեն հայ, արևմտաեվրոպական դասական և ժամանակակից կոմպոզիտորների ստեծագործություններ: Համերգի մուտքն ազատ է:

Չարենցի տուն-թանգարանը բացվել է 1975-ին. թանգարանի տարածքն ընդգրկում էր միայն բանաստեղծի երեք սենյականոց բնակարանը` հուշատունը: Հետագայում, Խորհրդային Հայաստանի կառավարութան որոշմամբ` թանգարանի տարածքին միացան ներքևի երկու հարկերը: Այսօր թանգարանն ընդգրկում է չորս հարկաբաժին, որոնցից երեքում հիմնական ցուցադրությունն է, իսկ չորորդ հարկում` բանաստեղծի հուշատունը: