Վարշավայի կինոփառատոնից հայկական ֆիլմերը մրցանակներով են վերադարձել

Սեպտեմբերի 8-ին Վարշավայում կայացած` Պատմական և ռազմական ֆիլմերի միջազգային կինոփառատոնի մրցանակաբաշխությանը ռեժիսոր Վրեժ Պետրոսյանի «Ուրիշ հայրենիք. Մարիա Յակոբսենի օրագրությունը» ֆիլմն արժանացել է կինոփառատոնի հովանավոր` Լեհական բանակի ուղղափառ թեմի մրցանակին, իսկ Ջիվան Ավետիսյանի «Թևանիկ» ֆիլմը` կինոփառատոնի կազմակերպիչ «Ռազմական գիտության ընկերության» մրցանակին:

«Հայկ» կինոստուդիայի արտադրության «Ուրիշ հայրենիք. Մարիա Յակոբսենի օրագրությունը» ֆիլմը նվիրված է Հայոց ցեղասպանության 100-րդ տարելիցին և պատմում է հայ ազգի մեծ բարեկամ, դանիացի միսիոներ Մարիա Յակոբսենի մասին, որի օրագիրը լի է վերապրածների վկայություններով:

«Թևանիկ» ֆիլմը եռապատում է` նվիրված Արցախյան պատերազմին:

Վարշավայի միջազգային կինոփառատոնն անցկացվել է 6-րդ անգամ և նվիրվել տարբեր ազգերի պատմական ՈՒ հոբելյանական իրադարձություններին: