Աշխարհի գավաթ. 2-րդ տուրում Արոնյանը ոչ-ոքի խաղաց

Բաքվում ընթացող շախմատի աշխարհի գավաթի խաղարկության 2-րդ փուլի առաջին պարտիայում հայ գրոսմայստեր Լևոն Արոնյանը ոչ-ոքի է խաղացել Ուկրաինան ներկայացնող Ալեքսանդր Արեշչենկոյի հետ: Պատասխան պարտիան տեղի կունենա սեպտեմբերի 15-ին:

Հիշեցնենք, որ առաջին տուրի 2 պարտիաներում էլ հայ շախմատիստը  առավելության էր հասել Լյուքսեմբուրգը ներկայացնող  Միքայել Վիդենկելլերի նկատմամբ:

Հավելենք, որ յուրաքանչյուր մրցափուլի ժամանակ կողմերը խաղալու են 2 պարտիա՝ մեկական սպիտակ և սև գույներով: Հավասար՝ 1 : 1 հաշվի դեպքում կանցկացվեն լրացուցիչ պարտիաներ արդեն արագ և անհրաժեշտության դեպքում նաև կայծակնային խաղի կանոններով՝ մինչև կորոշվի հաղթողը: Պայքարն ընթանալու է նոկաուտ համակարգով՝ պարտվողը դուրս է մնալու հետագա պայքարից: