53 երեխաների թունավորման պատճառը, ըստ նախնական տվյալների, ստաֆիլոկոկն է

Տեղեկացրել էինք, որ նախօրեին թունավորման նախանշաններով Արտաշատի ԲԿ է տեղափոխվել 53 երեխա: Բաղրամյան գյուղի` հոսպիտալացված դպրոցականներն արդեն դուրս են գրվել հիվանդանոցից:

Yerkir.am-ի հետ զրույցում բուժկենտրոնի տնօրեն Վարդան Հովհաննիսյանը հայտնեց, որ հիվանդանոցում այս պահին մի երեխա է մնացել: «Երեխայի մոտ զուգորդող անգինա էր, դրա համար էլ նա մինչ օրս պառկած է մեզ մոտ: Այսօր երեխայի վիճակն արդեն լավ է, չի ջերմում: Հավանաբար, վաղը դուրս կգրվի»,- ասաց նա:

Բժիշկը տեղեկացրեց նաև, որ թունավորման պատճառները դեռ ստույգ պարզ չեն, բայց, ըստ հետազոտության նախնական արդյունքների, վարակի աղբյուրը ստաֆիլոկոկն է:

Ի դեպ, երեկ և այսօր նոր հիվանդներ չեն հայտնաբերվել: