Ադրբեջանը կվերանայի Եվրոպայի հետ հարաբերությունները. ԱԳՆ

Ադրբեջանը կվերանայի ԵՄ-ի հետ հարաբերությունները. հայտնում է haqqin.az-ը` վկայակոչելով երկրի ԱԳՆ-ի տարածած հաղորդագրությունը:

«Սեպտեմբերի 10-ին Ադրբեջանի վերաբերյալ կողմնակալ բանաձևի ընդունման հետ կապված` Ադրբեջանը հետաձգել է Եվրահանձնաժողովի պատվիրակության` հաջորդ շաբաթ նախատեսված այցը Ադրբեջան, որը պետք  տեղի ունենար երկրի և ԵՄ-ի միջև ռազմավարական գործընկերության մասին համաձայնագրի շրջանակում նախնական քննարկումներ անցկացնելու նպատակով»,- ասվում է ԱԳՆ-ի հաղորդագրությունում:

Արդեն հայտնել ենք, որ Լիբերալ-դեմոկրատական խմբակցությունը մարդու իրավունքները խախտած ադրբեջանցի պաշտոնյաների դեմ պատժամիջոցների նախագիծ է ներկայացրել Եվրախորհրդարան, որն ընդունվել է: