Ադրբեջանը Ռուսաստանի համար սիտուացիոն հաճախորդ է

ՀՀ նախկին փոխարտգործնախարար  Արման Նավասարդյանն այսօր` լրագրողների հետ հանդիպման ընթացքում, անդրադարձավ ռուս-ադրբեջանական հարաբերություններին և դրանց համատեքստում հայկական կողմի կարգավիճակին:

«Ադրբեջանը չի էլ ուզում դառնալ ԵՏՄ անդամ: Ռուսաստանի` ադրբեջանական կողմին զենք վաճառելը չի կարող ռուս-ադրբեջանական հարաբերությունները լուրջ փոփոխությունների ենթարկել: Զենքի վաճառքը առանց այն էլ կար, շարունակվում է»,- ասաց նա` հավելելով, որ Ռուսաստանի և Ադրբեջանի հարաբերությունները երբեք էլ չեն եղել բարձր մակարդակի վրա: «Հայաստանը Ռուսաստանի համար ստրատեգիական դաշնակից է, իսկ Ադրբեջանը` սիտուացիոն հաճախորդ»,- շեշտեց բանախոսը:

Նավասարդյանի կարծիքով` ի սկզբանե սխալ է կատարվել, և Ռուսաստանը չպետք է գնար այդ քայլին ու զենք վաճառեր: «Զենք վաճառողը կախման մեջ է գցում գնորդին: Պահեստամասերի խնդիր կա, էլ չասեմ` քաղաքական կախվածությունը»,- ասաց նա: