Ադրբեջանը դատի է տալիս France 2-ին` Ալիևին բռնապետ են անվանել

Ադրբեջանի իշխանությունները մտադիր են դատական հայց ներկայացնել France 2 պետական հեռուստաալիքի դեմ. հայտնում է inosmi.ru-ն` վկայակոչելով France-Presse-ը: 

Պատճառն այն է, որ եթերում ցուցադրվել էր լրագրողական հետաքննություն, որում Ադրբեջանն անվանվում է բռնապետություն, իսկ երկրի նախագահ Իլհամ Ալիևը՝ բռնապետ։  Այդ մասին գործակալությանն ասել է Ադրբեջանի ղեկավարության ֆրանսիացի փաստաբան Օլիվիե Պարդոն:

Սեպտեմբերի 8-ին France 2-ը Cash Investigation ծրագրի շրջանակներում ցուցադրել էր սյուժե, որը նվիրված էր 2014-ի գարնանը Ֆրանսիայի նախագահ Ֆրանսուա Օլանդի այցին Ադրբեջան։

«Ողջ ծրագրի ընթացքում  Ադրբեջանի ղեկավարին, առանց որևէ ապացույցի, ներկայացնում են որպես կովկասցի բռնապետ»,- ասել է փաստաբանը։