Մահացել է Երևանի նախկին քաղաքապետը

Կյանքի 85-րդ տարում վախճանվել է պետական գործիչ, 1975-85 թթ. Երևանի քաղաքապետ, Երևանի պատվավոր քաղաքացի Մուրադ Մուրադյանը: Այս մասին տեղեկանում ենք Երևանի քաղաքապետարանի կայքից։

1948 թվականին ավարտել է միջնակարգ դպրոցը։ 1948-1953 թվականներին սովորել և ավարտել է Լենինականի Միքայել Նալբանդյանի անվան մանկավարժական ինստիտուտի ֆիզիկամաթեմատիկական ֆակուլտետը։ 1962 թվականին հեռակա ուղուցմամբ ավարտել է Մոսկվայի մեքենաշինական ինստիտուտը։

• ԽՄԿԿ անդամ 1957 թվականից։
• 1965-1967թթ. - ՀԿԿ Լենինականի քաղաքային կոմիտեի արդյունաμերության և տրանսպորտի բաժնի վարիչ, ՀԿԿ Կենտկոմի թեթև ու սննդի արդյունաբերության բաժնի վարիչի տեղակալ։
• 1967թ. ընտրվել է ՀԿԿ Լենինականի քաղկոմի երկրորդ քարտուղար։
• 1968թ. ընտրվել է ՀԿԿ Լենինականի քաղկոմի առաջին քարտուղար։
• 1969 թվականից ՀԿԿ ԿԿ բյուրոյի անդամության թեկնածու։
• 1975թ. ընտրվել է Երևանի քաղխորհրդի գործկոմի նախագահ։
• 1985-1988թթ. - ՀԿԿ կենտկոմի քարտուղար, միաժամանակ շինարարության և քաղաքային տնտեսության բաժնի վարիչ։
• 1988-1990թթ. - Հայկոոպի նախագահ։
• Եղել է ԽՍՀՄ և ՀԽՍՀ Գերագույն խորհուրդների պատգամավոր։
• 2008 թվականից ՀՀ Նախագահին առընթեր ներման հարցերի հանձնաժողովի նախագահն է։
• ««Շիրակ» միջազգային միավորում» ՀԿ նախագահ։
• 2012թ. ՀՀ ԱԺ ընտրություններին առաջադրվել է ՀՀԿ համամասնական ընտրացուցակով։
• ԽՍՀՄ 8—9-րդ, ՀՍՍՀ 10-րդ գումարումների գերագույն սովետի դեպուտատ, խորհրդի պատգամավոր։