Հենրիխ Մխիթարյանը գնդակներ նվիրեց երեխաներին

Այսօր Ավանի ֆուտբոլի ակադեմիայում տեղի ունեցավ բարեգործական ձեռնարկ Հայաստանի ազգային հավաքականի և Դորտմունդի Բորուսիայի կիսապաշտպան Հենրիխ Մխիթարյանի մասնակցությամբ: 

«Tecbuy» և «Airpo-Tech» ընկերությունների սփյուռքահայ գործարարներ Տիգրան Տչաբլակյանը և Գրիգոր Ժաբուրյանը Հենրիխ Մխիթարյանին նվիրեցին իրենց հեղինակած «էրեբունի հավերժ» ոսկյա բացառիկ ինքնահոս գրիչը, որն արտադրվել է իտալական հնագույն գրիչների արտադրող Մոնտեգրապպա (Montegrappa) ընկերության կողմից: 

Մխիթարյանն իր ստորագարությամբ գնդակներ նվիրեց «Հայկական Կարիտաս» ընկերության 30 շահառու երեխաների Գյումրիից, Վանաձորից, Արտաշատից, և Երևանից:

Հայ ֆուտբոլիստը նաև ստոևագրեց անվանական 2 մարզաշապիկների և 20 գնդակների վրա, որոնք հետագայում կդրվեն բարեգործական աճուրդի, որից գոյացած գումարը կտրամադրվի Հայաստանի մանկատների սաներին: