Բեյրութում ցուցարարները գրավել են նախարարության շենք

Լիբանանի մայրաքաղաք Բեյրութում «աղբահանության ճգնաժամ»-ի պատճառով դեռևս օրեր առաջ փողոց դուրս եկած ցուցարարները գրավել են Շրջակա միջավայրի պաշտպանության նախարարությունն ու պահանջում են նախարար Մուհամմեդ ալ Մաշնուկի հրաժարականը, ով էլ հենց մեղադրվում է երկիրն այդ ճգնաժամի մեջ գցելու մեջ ։

Al jazeera-ն տեղեկացնում է, որ ցուցարարները հայտարարել են, թե չեն լքի շենքը` մինչեւ նախարարը հրաժարական չտա:

Նշենք, որ Լիբանանում զանգավածային ցույցեր են տեղի ունենում «աղբահանության ճգնաժամ»-ի պատճառով: Նախորդ ցույցերի ընթացքում ոստիկանությունն արցունքաբեր գազ էր կիրառել, եղել էին նաև վիրավորներ: Կայքերի հաղորդմամբ՝ կային նաև զոհեր: