Պտղնիում սպանված երիտասարդը ձկնաբուծարանի տերն էր. մանրամասներ

Արդեն հայտնել ենք, որ այսօր առավոտյան հայտնաբերվել է Պտղնի գյուղի բնակիչ` 34-ամյա Արսեն Ազիզյանի դին, որի սպանության կասկածանքով ձերբակալվել է նույն գյուղի բնակիչ:

Yerkir.am-ին նոր տեղեկություններ են հայտնի դարձել դեպքի մասին: Մեր տեղեկություններով՝  Ազիզյանը Պտղնիում հայտնի հեղինակություն էր և հանդիսանում էր գյուղում գործող ձկնաբուծարանի տերն, իսկ հանցագործության համար ձերբակալվածն ինչ-որ մեկի անձնական վարորդն է եղել:

Մինչ այդ հայտնի էր դարձել, որ կասկածյալը ցույց է տվել այն զենքը, որով սպանել է Ազիզյանին և որոշ հանգամանքներ ներկայացրել: Մեր տեղեկություններով՝  ձերբակալվածը հայտնել է, որ  նախկինում Ազիզյանն իրեն ծեծի է ենթարկել:

Չի բացառվում, որ  սպանությունը վրեժխնդրության արդյունք է: