Տիգրան Արզաքանցյանի ընկերության հաշիվները կալանքի տակ են. նա սնանկացել է

Արագածոտնի մարզի ընդհանուր իրավասության դատարանի վճռով` Օշական գյուղում գտնվող` ԱԺ նախկին պատգամավոր Տիգրան Արզաքանցյանին պատկանող «Աշտարակի գինիներ» ՓԲԸ-ն սնանկ է ճանաչվել: Պարտատերերի առաջին ժողովը նշանակված է սեպտեմբերի 30-ին: Նշենք, որ պարտատերերն իրենց պահանջները պետք է ներկայացնեն Արագածոտնի մարզի ընդհանուր իրավասության դատարան սնանկության մասին հայտարարությունից հետո` մեկամսյա ժամկետում:

Դատարանի որոշմամբ` սնանկ է ճանաչվել նաև Արզաքանցյանին պատկանող «Գրեյթ վելլի քամփընի» ընկերությունը:

Yerkir.am-ի տեղեկություններով՝ դեռևս ամիսներ առաջ հիշյալ ընկերության մի խումբ աշխատակիցներ դատի էին տվել Արզաքանցյանին՝ պահանջելով իրենց աշխատավարձերը` մոտ 11 մլն դրամ: Մեր տեղեկություններով՝ դատարանը բավարարել է աշխատակիցների բողոքները և, որպես հայցի ապահովման միջոց, կալանքի տակ վերցրել ընկերության հաշիվները: