Թուրքիայում արտահերթ խորհրդարանական ընտրությունների վերաբերյալ կրկին լուրեր են շրջանառվում

Թուրքական մամուլում լուրեր են շրջանառվում այն մասին, թե արտահերթ խորհրդարանական ընտրությունները կանցկացվեն նոյեմբերի 1-ին:

Ըստ AA-ի՝ այդ լուրը հերքել է ընտրական գերագույն խորհուրդի նախագահ Սադի Գյուվենն՝ անձամբ: Նրա խոսքով՝ ընտրությունների համար ստույգ օր դեռևս չի կարող որոշվել, քանի դեռ ընտությունների անցկացումը չի հաստատվել:

Նշելով, որ ընտրություններ անցկացնելու որոշումից հետո 60 օրվա ընթացքում հնարավոր կլինի ընտրություններն անցկացնել, խորհրդի նախագահն ասել է. «Ընտրության օրը նշանակվելու է՝ հաշվի առնվելով չորս կուսակցությունների կարծիքը: Դա կլինի նոյեմբերի 1-ին, 8-ին, թե ՝ 25-ին, հայտնի չէ»: