Սլովակիան հայտարարել է, որ կընդունի միայն քրիստոնյա փախստականների

Սլովակիայի կառավարությունը հայտարարել է, որ  Սիրիայի փախստականներից կընդունի միայն քրիստոնյաներին, քանի որ մահմեդականները չեն կարող ինտեգրվել իրենց հասարակությանը: ԵՄ ծրագրով շուրջ 40 հազար փախստականներ  պետք է տեղաբաշխվեն ԵՄ ողջ տարածքում` ըստ քվոտաների: Սլովակիան, օրինակ, պետք է  ընդունի 200 փախստականի, որոնք ներկայում գտնվում են Թուրքիայի, Իտալիայի եւ Հունաստանի ճամբարներում:

 «Մենք ցանկանում ենք օգնել Եվրամիությանը, եւ կարող էինք անգամ 800 մահմեդականի ընդունել, բայց մեր երկրում մզկիթներ չկան:  Ինչպես կարող են մահմեդականները ինտեգրվել, եթե նրանց այստեղ դուր չգա»,- ասել է Սլովակիայի արտգործնախարար Իվան Մետիկը:

Բրատիսլավան հայտարարում է, որ փախստականներին կհարցնի կրոնական պատկանելության մասին:

Նշենք, որ Սլովակիայի արտգործնախարարը հայտարարել է, որ իրենց որոշման մեջ խտրականության տարրեր չկան, իրենք պարզապես ցանկանում են պահպանել հանրության միասնությունը: