Հայաստանի առաջնություն. «Շիրակ»-ը գլխավորեց մրցաշարային աղյուսակը

Ֆուտբոլի Հայաստանի Բարձրագույն խմբի առաջնության 3-րդ տուրում «Շիրակ»-ը Գյումրիում 2 անպատասխան գնդակ ուղարկեց «Միկա»-ի դարպասը: Գյումրեցիների կազմում աչքի ընկան Վիուլեն Այվազյանն 36\' ու Գոռ Մալաքյանը 74\':

 «Գանձասար Կապան»-ը Նարեկ Բեգլարյանի 6\', 12\' դուբլի և Ացամազ Բարաևի 42\' խփած գոլի շնորհիվ սեփական հարկի տակ 3:0 հաշվով հաղթեց «Ուլիս»-ին:

«Բանանց»-ն ու «Ալաշկերտ»-ը երկուական գնդակ փոխանակեցին «Բանանց 1»  մարզադաշտում տեղի ունեցած խաղում: «Բանանց»-ի կազմում դուբլ հեղինակեց Ջոն Ջերեմիան15\', 49, իսկ «Ալաշկերտ»-ի կազմում աչքի ընկան Դուշկո Դուկիչն 7\' ու Միհրան Մանասյանը 61\':

 «Արարատ»-ը  ընթացիկ մրցաշրջանում առաջին միավորները կորցրեց: Վարուժան Սուքիասյանի թիմը 1:1 հաշվով ավարտեց հանդիպումը գործող չեմպիոն «Փյունիկ»-ի հետ: 27-րդ րոպեին Ալեքսանդր Ռակիչի խփած գոլին փյունիկցիները պատասխանեցին Ղուկաս Պողոսյանի 79\' խփած գոլով:

3-րդ տուրից հետո մրցաշարային աղյուսակը գլխավորում է «Շիրակ»-ը:

 Մրցաշարային աղյուսակ

N	Թիմեր	Խ	Հ	Ո	Պ	ԽԳ	ԲԳ	Մ
1.	Շիրակ	3	3	0	0	7	3	9
2.	Արարատ	3	2	1	0	4	1	7
3.	Ալաշկերտ	3	1	2	0	4	3	5
4.	Փյունիկ	3	1	1	1	7	4	4
5.	Գանձասար-Կապան	3	1	1	1	4	2	4
6.	Բանանց	3	0	2	1	4	8	2
7.	Միկա	3	0	1	2	1	4	1
8.	Ուլիս	3	0	0	3	2	8	0