Մեղադրողը Պերմյակովի համար 10 տարվա ազատազրկում պահանջեց

Քիչ առաջ Գյումրիում տեղակայված 5-րդ կայազորային դատարանում մեղադրող դատախազը հրապարակեց մեղադրական ճառը: Մեղադրողը հայտնեց, որ Պերմյակովի արարքը սեպ է խրել հայ-ռուսական եղբայրական դարավոր հարաբերությունների մեջ. կորել է հավատը ռուսական ռազմական ուժերի նկատմամբ: Նա միջնորդեց Պերմյակովին մեղավոր ճանաչել դասալքության և զորամասից զենք հանելու համար և նրան դատապարտել 10 տարվա ազատազրկման: Պերմյակովը հրաժարվեց հանդես գալ պաշտպանական ճառով:

Պերմյակովի պաշտպան Արթուր Դանիելյանն էլ իր պաշտպանական ճառում հայտարարեց, որ գործ ունենք հրեշավոր հանցագործության հետ և իր համար դժվար է պաշտպանել նրան:

Պաշտպանը սակայն հորդորեց թողնել բոլոր էմոցիաները և Պերմյակովին դատել առաջադրված երեք մեղադրանքների մասով, հաշվի առնել, որ նա ընդունել է իրեն առաջադրված մեղադրանքը: