Ընկերոջն անզգուշությամբ սպանողը նոր էր ամուսնացել

Արդեն տեղեկացրել ենք, որ այսօր Նորաշեն գյուղից դեպի Չորաթան գյուղ տանող հանդամասում ողբերգական դեպք է տեղի ունեցել: Որսի գնացած ընկերներից մեկը` Արտակ Խանարյանը, անզգուշությամբ սպանել է ընկերոջը` Արամ Աթոյանին: Նորաշենի գյուղապետարանի աշխատակցուհին yerkir.am-ի հետ զրույցում պատմեց, որ դեպքը ցնցել է բոլորին: «Մահացածը 52 տարեկան էր: Հիանալի մարդ էր, ուներ երեք երեխա` երկու տղա, մեկ աղջիկ: Բազմաշնորհ մարդ էր, ամեն ինչ էլ կարողանում էր անել»,- պատմեցին գյուղապետարանից: Նորաշենի գյուղապետ Գոռ Աբրահամյանն էլ մեզ հետ զրույցում տեղեկացրեց, որ Արտակ Խանարյանը 43 տարեկան է, նոր է ամուսնացել: «Նոր էր ամուսնացել, նոր-նոր ուզում էր ընտանիք կազմեր, էն էլ սենց բան եղավ»,- ասաց գյուղապետը: