Լուսիկ Ագուլեցու աշխատանքները, Միքայել Ոսկանյանը, «Բերդ» անսամբլը` Չինաստանում

Հուլիսի 21-25-ը Չինաստանում անցկացվել են Հայաստանի մշակույթի օրեր: Միջոցառումների բացումը տեղի է ունեցել հուլիսի 22-ին Պեկինի Տյանցյաո թատրոնում: Ողջույնի խոսքով հանդես են եկել Հայաստանի և Չինաստանի մշակույթի նախարարներ Հասմիկ Պողոսյանը և Լուո Շուգանը:

Գալա-համերգին հայկական երգն ու պարը ներկայացրել են «Բերդ» պարի անսամբլը և «Միքայել Ոսկանյան և ընկերներ» էթնո-ջազ համույթը:

Մշակույթի օրերի շրջանակում հայաստանյան ստեղծագործական խմբերը հուլիսի 23-ին հանդես են եկել նաև Շանդուն նահանգի Ցզինան քաղաքի Մեծ թատրոնում:

Մշակույթի օրերի շրջանակում Պեկինի «Կանանց և երեխաների» թանգարանում բացվել է Լուսիկ Ագուլեցու աշխատանքների ցուցահանդեսը, ներկայացվել են ազգային տարազներ, զարդեր, ծիսական ծառեր, տիկնիկներ, խաչբուռներ և այլն: Ցուցադրությունն ուղեկցվել է Հայաստանի մասին պատմող ֆիլմերով և ազգային երաժշտության կատարումներով: