Որոշ ժամանակով պետք է դադարեցնել տեսչական ստուգումները. Հովիկ Աբրահամյան

Այսօր կառավարության նիստի սկզբում վարչապետ Հովիկ Աբրահամյանը հանդես եկավ հայտարարությամբ` միաժամանակ կառավարության աշխատակազմի ղեկավար-նախարար Դավիթ Հարությունյանին հանձնարարարելով քննարկումներ կազմակերպել տեսչական իրավասություններ ունեցող պետական մարմինների հետ, որպեսզի պայմանավորվածություն ձեռք բերվի, և ստուգումները կես տարով դադարեցվեն:

Վարչապետը նշեց, որ պետք է ականջալուր լինել տնտեսվարողների բողոքներին և որոշ ժամանակով դադարեցնել ստուգումները: Նշենք, որ արդեն երկար ժամանակ է` մի շարք տնտեսվարող սուբյեկտներ բողոքում են, որ տեսչական ստուգումներ իրականացնող պետական մարմիններն անհարկի ստուգումներ են իրականացնում և դրանով ավելորդ խոչընդոտներ ստեղծում իրենց գործունեության համար: